Cynhelir Sioe Awyr Cymru unwaith eto ym Mae Abertawe ddydd Sadwrn 5 a dydd Sul 6 Gorffennaf 2025! Rydym yn edrych ymlaen yn fawr at eich gweld chi yno.
Dros ddeuddydd, bydd rhai o’r peilotiaid a’r arddangosiadau hedfan gorau yn y byd yn defnyddio amffitheatr naturiol Bae Abertawe i ddangos eu sgiliau trwy berfformio arddangosiadau aerobatig anhygoel. O jetiau i hofrenyddion, dyma ddau ddiwrnod na fyddwch am eu colli. Ac yn well byth – mae’r cyfan am ddim!
Nid yw’r holl gyffro’n digwydd yn yr awyr yn unig – bydd Prom Abertawe’n llawn arddangosiadau ar y ddaear, tryciau bwyd a diod blasus, profiadau rhithwirionedd, cerddorion a bandiau’n chwarae cerddoriaeth fyw, arddangosiadau, gweithgareddau i deuluoedd, reidiau a mwy!
Does dim syndod bod dros 200,000 o bobl yn dod i’r digwyddiad bob blwyddyn.
Bydd yr arddangosfeydd ar y ddaear ar agor rhwng 10am a 6pm ar y ddau ddiwrnod.
Cofiwch ein dilyn ar gyfryngau cymdeithasol ar Facebook, X ac Instagram i gael y newyddion a’r cyhoeddiadau diweddaraf cyn digwyddiad 2025.
Yr arddangosfeydd awyr Sioe Awyr Cymru 2024 oedd…
- RAF Red Arrows – Dydd Sadwrn
- Typhoon – Dydd Sadwrn a Dydd Sul
- Diwrnod y Lluoedd Arfog – Dydd Sadwrn
- Royal Navy Black Cats – Dydd Sadwrn a Dydd Sul
- Team Raven – Dydd Sadwrn a Dydd Sul
- Yak 50 – Dydd Sadwrn a Dydd Sul
- Fairey Swordfish and Westland Wasp – Dydd Sadwrn a Dydd Sul
- Hofrennydd Sea King – Dydd Sadwrn a Dydd Sul
- Rolls Royce Supermarine Spitfire – Dydd Sul
- Red Devils Parachute Display Team – Dydd Sul
- Gazelle Squadron – Dydd Sadwrn a Dydd Sul
- Norwegian Vampire – Dydd Sadwrn a Dydd Sul
- RAF Tutor Display Team – Dydd Sadwrn a Dydd Sul
- Firebirds – Dydd Sadwrn a Dydd Sul
- Hawker Fury – Dydd Sadwrn a Dydd Sul
- Tîm Arddangos Erobatig Starlings – Dydd Sadwrn a Dydd Sul
