Bydd rhai o awyrennau mwyaf hanesyddol Prydain o gyfnod y rhyfel yn diddanu’r dorf yn ystod Sioe Awyr Cymru’r haf hwn.

Bydd yr awyrennau byd enwog, y Spitfire a’r Hurricane yn ymuno ag awyren fomio’r Lancaster dros Fae Abertawe fel rhan o Hediad Coffa Brwydr Prydain (HCBP) yr RAF.

Dyma’r drydedd arddangosfa i’w chadarnhau ar gyfer y digwyddiad deuddydd am ddim a gynhelir dros Fae Abertawe ar 1 a 2 Gorffennaf.

Yn ystod yr wythnosau diwethaf cyhoeddwyd y bydd y Red Arrows a Thîm Arddangos Typhoon yr RAF yn ymddangos ar ddau ddiwrnod y Sioe Awyr.

Bydd hefyd nifer o awyrennau poblogaidd eraill ac amrywiaeth eang o hwyl i’r teulu ar y ddaear, gan gynnwys arddangosiadau, profiadau realiti rhithwir a cherddoriaeth fyw.

Meddai Aelod Cabinet y cyngor, Robert Francis-Davies, “Rydym yn hapus iawn bod Hediad Coffa Brwydr Prydain yn hedfan dros Abertawe unwaith eto’r haf hwn.

“Rydym yn diolch i holl fasnachwyr a noddwyr y Sioe Awyr am eu cyfraniad at lwyddiant parhaus y sioe. Mae’n cyfrannu miliynau o bunnoedd i’n heconomi leol.”

Darganfyddwch beth sydd ar ddod yn Sioe Awyr Cymru eleni

Disgwylir i Eurofighter Typhoon yr RAF ddiddanu’r dorf yn Sioe Awyr Cymru Abertawe yr haf hwn – am y tro cyntaf ers 2019 

Y llynedd, roedd y gynulleidfa wedi gweld eisiau’r jet, sy’n gallu hedfan bron ddwywaith cyflymder sain, felly mae Cyngor Abertawe wedi gwneud popeth posib i ddod â’r Typhoon yn ôl eleni.

Dyma’r ail berfformiwr enwog i’w gadarnhau ar gyfer y digwyddiad deuddydd hwn a gynhelir dros Fae Abertawe ar 1 a 2 Gorffennaf. Mae’r sioe flynyddol am ddim yn cael ei threfnu unwaith eto can y cyngor.

Yr wythnos diwethaf cyhoeddwyd bod disgwyl i’r Red Arrows ymweld ar y ddau ddiwrnod – yn ogystal â Thîm Arddangos y Typhoon.

Bydd hefyd lawer o berfformwyr eraill i’w gweld yn yr awyr a bydd amrywiaeth eang o hwyl i’r teulu ar y ddaear.

Meddai Aelod Cabinet y cyngor, Robert Francis-Davies, “Mae’r Typhoon yn denu llawer o bobl ac rydym yn gyffrous iawn ei fod yn dychwelyd i hedfan dros Abertawe eto.

“Mae’r Sioe Awyr yn cyfrannu miliynau o bunnoedd i’n heconomi leol a diolchwn i fusnesau a phreswylwyr am eu hamynedd gyda’r trefniadau cau ffyrdd angenrheidiol – ac i’r holl fasnachwyr a’n noddwyr.”

Bydd tîm Red Arrows byd enwog yr RAF yn dychwelyd i Abertawe i ddiddanu’r dorf yn Sioe Awyr Cymru’r haf hwn.

Dyma’r perfformwyr enwog cyntaf i’w cadarnhau ar gyfer y digwyddiad deuddydd hwn a gynhelir ar 1 a 2 Gorffennaf. Trefnir y sioe gan Gyngor Abertawe.

Disgwylir i’r Red Arrows berfformio ar y ddau ddiwrnod a bydd hefyd llu o berfformwyr eraill yn hedfan i’r awyr yn ogystal â digonedd o adloniant llawn hwyl ar y ddaear sy’n addas i’r teulu cyfan.

Roedd Sioe Awyr y llynedd yn llwyddiant ysgubol. Roedd yr atyniadau’n cynnwys y Red Arrows a Hediad Coffa Brwydr Prydain.

Meddai Aelod Cabinet y cyngor, Robert Francis-Davies, “Rydym wrth ein boddau y bydd y Red Arrows yn perfformio ym Mae Abertawe unwaith eto.

“Maent yn atyniad enfawr ac yn helpu i ddangos pa mor bwysig yw ein Lluoedd Arfog. Mae’r sioe awyr yn cyfrannu miliynau o bunnoedd i’n heconomi leol. Hoffwn ddiolch i fusnesau a phreswylwyr am eu hamynedd wrth i ni roi mesurau cau ffyrdd hanfodol ar waith, a hoffwn ddiolch i’r holl fasnachwyr am eu cyfraniad.

“Bydd penwythnos y Sioe Awyr yn un i’w gofio. Wrth i enw da Abertawe dyfu fel lleoliad o’r radd flaenaf ar gyfer digwyddiadau mawr, mae’r sioe hon yn bartner gwych i eraill fel IRONMAN 70.3 Abertawe a Chyfres Para Treiathlon y Byd Abertawe sy’n dychwelyd.”